LES
LECONS
DES TENEBRES DES
PARISIENS.
OV LES PROPHETIES DE IEREMIE
sont naïuement expliquées suiuant ce qui
arriue à present.

PREMIERE IOVRNEE.

PREMIERE LEÇON.

Pourquoy cette Cité si grande & si remplie de peuple est-elle
maintenant toute seule, elle qui estoit la maistresse
de toutes les nations de la terre, est presque reduite en
l’estat d’vne simple veufue. La Princesse de tant de
grandes Prouinces, est maintenant obligée à payer tribut
elle-mesme.

Paris est cette deplorable Cité, qui a esté delaissée à l’impourueu
de son Prince qu’on luy a malheureusement enleué,
ce qui l’a reduite aux mesmes abbois d’vne ieune femme, qui
se voyant abandonnée de son cher espoux, ne fait plus que
verser des larmes, & se retirant toute seule fuït la compagnie
des autres.

2. Versant des larmes elle ne cesse de pleurer le long de la nuict, &
ses pleurs luy tombent continuellement sur les joües. Elle ne trouue
personne pour la consoler, mesme parmy ses plus chers amis. Tous ses
amis la mesprisent, & deuiennent ses plus puissans ennemis.

Ne fut-ce pas la nuict que Paris commença de ressentir ses

Page précédent(e)

Page suivant(e)

---

Anonyme [1649], LES LEÇONS DES TENEBRES DES PARISIENS, OV LES PROPHETIES de Ieremie sont nayuement expliquées suiuant ce qui arriue à present. , françaisRéférence RIM : M0_1808. Cote locale : C_3_1.

---