d’en escrire à ses amis, il se trouue que de
tous costez ils viennent ou enuoyent s’offrir
à son A. R. pour concourir d’vn mesme
esprit à l’extinction de cét homme, & au
restablissement de la liberté & de la paix, si
vous desirez des preuues plus singulieres il
les faut attendre du temps, qui vous descouurira
combien le sentiment d’interests, ou
de preuention nuit aux desseins des sages, &
les maux qui deriuent d’vne source si empoisonnée.
Dieu qui a promis sa protection à
l’innocent soustiendra les armes de cét incomparable
Heros, qui sont bien moins vne
vengeance des iniures qu’il a receuës qu’vn
secours qui est offert à la France pour se
deffendre de l’oppression d’vn estranger qui
entre à main armée pour se iustifier, dit-il,
mais plutost pour trouuer dans l’espanchement
du sang des peuples dequoy saouler sa
cruauté & satisfaire son ambition. Il porte
auec le fer & le feu l’or & l’argent, par des
presens qu’il fait conduire pour surprendre
la tendre ieunesse de nostre Monarque, &
ne se soucie point de sacrifier ses voleries, &
pillages passez pourueu qu’il se fasse vne ouuerture
certaine à des exactions qui le desdommageront

Page précédent(e)

Page suivant(e)