armes leur ont fait souffrir.

Toutes les lumieres de l’entendement ne
valent pas la moindre chaleur du cœur ;
Et i’estime, MONSEIGNEVR, que
pour porter V. A. R. à s’interesser & faire
instance pour ce rabais, il ne faut que
vous prier de consulter l’amour que vous auez
pour les Peuples. Ie veux estre vaincu par
cette noble passion, qui doit auoir par dessus
moy l’avantage de pouvoir vous persuader.
Ie me tais, & ne veux pas redire que d’insister
à la sortie du C. Mazarin, & point à la
diminution des Tailles, des Subsides, & des
Gabelles excessiues qu’il a imposées ; C’est
poursuiure le meurtrier, & abandonner le
blessé sans se mettre en peine d’vn appareil ;
vouloir chasser le Tyran, & souffrir le cours
de la Tyrannie ; se rendre reprochable d’infidelité,
& se ruiner tout à fait de creance.

Ie ne veux qu’annoncer à VOSTRE ALTESSE
ROYALE les acclamations des Peuples
qui doiuent suiure ses soins, & les instances
qu’elle fera pour leur soulagement, qui
adoucira l’amertume du souuenir de leurs
pertes, & sera capable de les tenir prests à seconder