troubles, que l’enfer nous auoit fait naistre, à nous ressentir
des graces que Iesus-Christ a tousiours promises à tous
ceux qui viuront sous ses Loix, & qui obserueront le contenu
de ses Ordonnances. La Paix nous a esté donnée par
ce digne Liberateur, lors qu’on n’en pouuoit pas comprẽdre
les moyens, qu’on desesperoit de son salut, & qu’on
n’attendoit plus qu’vn deluge vniuersel, & de feux & de
flames. Le pere armoit contre le fils, le Maistre contre le
valet, le vassal contre son Seigneur, & le Suiet contre son
Prince. La rage & la terreur couuroit toute la surface de
la terre : & tout ce que les Furies peuuent susciter de plus
abominable dans l’esprit des hommes, s’exerçoit sur les obiets
les plus precieux, & sur les personnes les plus sacrées.
Mais le Roy, la Reyne, les Princes, le Conseil, & Nosseigneurs
du Parlement, inspirez d’vne amour toute Diuine,
ont trouué l’Art d’imiter sa Diuine Bonté, & de faire des
miracles en faueur de cette Monarchie. Voyez donc si
nous ne sommes pas bien obligez de prier Dieu pour eux,
& de remercier eternellement des personnes, de qui nous
auons receu des graces si extraordinaires, que celles qu’ils
nous ont faites, en nous donnant la Paix que nous auions
ant desirée.

FIN.