ne comprends rien dans ce signe, vous ne
m’obligez pas à parler, mais plutost à m’enfuir
& me taire, car certainement ou vous estes
vn Diable qui a la figure d’vn homme ; ou vous
estes vn homme, si vous estes vn Diables allez
à tous les Diables. Si vous estes vn homme
parlez moy donc ; autrement ie m’en vas, à Dieu.
Pourquoy me retenez vous, ou parlez moy ou me
laissez aller, car ie me lasse de toutes ces sottises.
Adieu.

Gilles le Niais.

Tout beau, tout beau seigneur Iodelet, ie ne suis
pas si diable que ie suis noir, encore moins ce que
vous dites ; mais ie suis tres-estonné de voir toutes
les qualités que vous me donnes, sçachant bien que
ie ne les ay pas merités : ie ne suis ny le bouffon ny le
messager de Neptune, encore moins celuy de Pluton,
ie ne suis ny diable, ny ame errante, si i’estois
diable ie serois tombé du Ciel dans les abismes infernales
au temps de la cheute commune de tous les
diables : si i’estois ame errante, ce qui ne peut pas
estre à mon aduis, quoy que quelques vns asseurent
que cela se peut & qu’il s’est souuent veu des ames
errantes sous le nom d’esprit, tourmenter les viuans,
ie veux bien que par la permission de Dieu cela se
puisse faire, parlant en Chrestien & non pas en
Payen comme vous faites ; mais que naturellement