LES ENTRETIENS
importans de la Reyne, auec le Cardinal
Mazarin, au suiet de sa teste mise
à cinquante mille escus.
SI tost que le Cardinal Mazarin eut aduis que la Cour
de Parlement de Paris, auoit par Arrest mis sa teste à
cinquante mille escus, pour ceux qui entreprendroient de
le tuer. Il en conçeut vne si grande apprehension, que depuis
ce iour là le sommeil semble l’auoir abandonné : car
ny debout ny couché il ne peut clorre l’œil, & le moindre
bruit qu’il entend luy semble estre celuy de ceux qui luy
veulent rauir la vie : en son boire & manger il fait faire
l’essay du vin & de la viande qui luy est seruie, à trois diuer
ses personnes, apres quoy il ne permet à aucun d’y touchet,
& n’oste point la veüe de dessus.
Dans ses paroles on y remarque des extrauagances
comme d’vn esprit troublé, & d’vne ame possedée de
crainte, & qui ne se fie de sa vie à personne.
Lors que dans ce trouble il est allé voir la Reyne, les
paroles qu’ils eurent ensemble sont remarquables.
LA REYNE A MAZARIN, Monsieur, quand
ie vous considere, ie voy en vostre visage les signes de
quelque forte apprehension, vos paroles entrecouppee
le tremblement & la crainte ; me font iuger que la touche
de la de fiance que vous auez vous rend la face pasle & triste,
comme si vous attendiez quelque mauuais & sinistre
accident. mas ce qui vous oblige à remettre vos sens est
la seureté que vous deuez auoir tant que vous aurez le
Anonyme [1652],
LES ENTRETIENS IMPORTANS DE LA REYNE, AVEC LE CARDINAL MAZARIN. Sur le sujet de sa teste mise à cinquante mille escus. , français
Référence RIM : M0_1255. Cote locale : B_12_1.