atteintes à vostre cœur. On vous a voulu faire
quelque iniustice, & vous auez l’auantage, que
celuy qu’on vouloit reuestir de vostre dépoüille, est
à vos pieds aussi nud que vous, & n’a plus de soucy
des dignitez ny des biens du monde. Ainsi i’ay souffert
des peines au centuple des vostres dans la fin de
ma vie, & vous me persecutez encor tout mort que
ie suis. I’esperois trouuer quelque consolation aupres
de vous, & ie n’y trouue que des reproches &
des supplices. Que si vous me regardez tousiours de
si mauuais œil ou fuirai-ie ? Car ie ne voy pas comment
nous puissions vuider ce differend par l’épée,
outre que ie ne suis point coupable, & que ie ne
creus iamais ma valeur égale à la vostre. Pendant
que Manzini faisoit ce discours, sainct Maigrin
auoit tousiours eu les yeux sur son ombre, & ne s’étoit
pû souuent empécher de pleurer, comme on
dit à chaudes larmes, enfin s’approchant de luy qui
le croyoit encore fort en colere, il s’efforça de l’embrasser :
mais helas ! quels embrassements se pouuoient
donner de chetiues ombres, qui n’ont plus
rien de solide & rien qui ne soit plus leger que le
vent ? Ils se ioignirent pourtant comme pour s’embrasser,
sainct Maigrin le premier rompant le silence,
aprés les caresses mutuelles qu’ils se firent : c’est
assez, dit-il, ne parlons iamais de ce different, que ie
veux desormais oublier. Mais puisque nous sommes
cõpagnons de malheur, soulageons nostre douleur
commune, restans attachez d’vne étroite amitié que
nous conseruerons inuiolable, malgré la rigueur des

Page précédent(e)

Page suivant(e)