CATELAN.

Il y a encore plus a esperer de celuy cy que
de l’autre, veu qu’il nous protegera hautement,
& que l’autre ne le faisoit que sous main.

BONNEAV.

Laissons faire Monsieur le Cardinal il sçaura
bien s’en entretenir.

LA RAILLIERE.

Pour moy i’espere bien autant de Monsieur
le Chancellier qu’en aucun autre, veu que ie
sçais bien que son plus grand interest vient de
nous.

BONNEAV.

Ce pendant ie m’en vais remettre sur pied le
prest que i’auois fait pour les tailles apres les
premieres Barricades : il y a bien dequoy s’engraisser,
& bien que les villageois soient tous
ruinez, ie leur enuoyeray tant d’Huissiers &
tant de Fuseliers, tant d’Hocquetons que le
diable les tiendra bien s’ils ne modonnent de
l’argent.

LA RAILLIERE.

O que i’auray bien plus dauantage moy si ie
puis mettre sur pied les partis que nous auions
enuie de mettre, comme l’annee du reuenu
des maisons, ou bien le toisage.

BONNEAV.

Mais on dit que le prest n’est admis par le