Maistres du Lycée, ou de l’Academie, que si c’est l’enuie
ou l’imposture qui vous persecutent, si elles s’efforcent
de vous mettre au rang de leurs martyrs la verité
disipera tous les nuages & vostre conscience vous touche
de plus pres que le bruit commun. Ie viens d’aprendre
que celuy la n’est pas homme de bien de qui la
vie est desagreable aux vertueux. Ie ne veux pas asseurer
que cette pensée vous regarde, c’est vostre conscience
qu’il faut consulter en cette occasion, mais ie
sçay bien que si on le demande & au peuple & au sages
ils diront que vous n’estes pas tout a faict innocent on
dit que souuent la colere vous tranporte, mais souuenez
vous que c’est vne enflure d’esprit & qu’il en est
d’elle comme de l’hytropisie qui ne rend pas le corps
proportionné, encore quelle le rend plus gros & que
ce n’est seulement qu’vne abondance ou superfluité
mortelle : cependant ie recognois à vostre mine que
tout ce discours vous offence, & que ma fidellité vous
tient lieu d’injure, quoy que i’ay bien d’autres choses
à vous dire, ie me sens forcé de vous laisser aller ou
vostre mauuais genie vous conduit