plus infaillible qu’il estoit moins attendu ;
la diuision qui a tousjours esté fomentée
parmy ceux qui composent les
plus celebres compagnies, & la difficulté
qu’il y a tousjours eu de prendre les
ordres requis pour conduire à chef le
dessein & l’expulsion du Cardinal Mazarin,
ayant esté la cause de sa demeure
en France, & des desordres que nous
y voyons.

Son Altesse Royalle proposa en l’assemblée
du Parlement, qui se tint le
Mardy quatorziéme May, qu’il estoit
temps de pouruoir à la seureté de la ville
& de toute la France qui s’en alloit
menaçée de sa ruine totale si l’on n’agissoit
auec plus d’intelligence que par
le passé, & qu’elle trouuoit necessaire
que les ordres qui se donnoient, & les
resolutions que l’on vouloit prendre,
vinssent en la connoissance de moins
de personne que de coustume pour obuier
au mal qui prouenoit des auis qui