donnent impression de leurs naturelles proprietez
dessus les corps sublunaires : acause dequoy
se pourroit on suiure vne simpathie proportionnée
à celle des Cieux sur la Terre, si les
diuerses vertus des hommes estoient bien menagées,
de façon que si le gouuernement des substances
celestes est par vn Souuerain qui est le
Soleil sans aucun desordre & sans esgarement
de leurs loix, ainsi en seroit-il entre les hommes.

D’où s’ensuit que tant plus que les Loys humaines
se rapportent aux celestes & duines,
tant plus sont elles nobles & parfaites, partant
que le Gouuernement absolu par vn seul, sera
plus à desirer comme le plus vtil pour maintenir
vn corps d’Estat. C’est la Monarchie.

Mais si nous voulons comme nous deuons,
nous conformer à la conduite que le Souuerain
excerce au Ciel, nous deuons faire,
que comme le Soleil ne gouuerne point par
luy seul, ainsi doit faire le Monarque. Le Soleil
est infaillible, lequel ne tire point ses iustes
desmarches, par lesquelles il est à tous viuans,
des autres Astres : mais bien les Astres de luy
selon la necessité qu’ils ont de ses Rayons.

Neantmoins en cas qu’il soit esclipsé, ils suppléent
au defaut de ses lumieres, par celles qu’ils
retiennent de luy, lors mesme qu’il quitte nostre