Dignitez, contre verité : car chacun sçait que le
Pape de son mouuement propre ayant appris
comme il se portoit pour la Paix & le bien de
l’Estat, que par ses exhortations & autres actiõs
heroïques il alloit au deuant du trouble qui alloit
profaner les lieux sacrez & ruyner la France,
& que mesme il auoit exposé sa personne, ses
amis, & son bien, pour s’opposer aux autheurs
de tels mal-heurs, se resolut deslors de le comprendre
en la premiere promotion au nombre
des Cardinaux que sa Saincteté creéroit, & a
on assez appris que le Cardinal Mazarin, pour la
haine qu’il luy portoit, remüa le Ciel & la terre
& employa tout le credit qu’il auoit à la Cour
de Rome pour empescher qu’il n’eust le bonnet
de Cardinal : Mais que le grand Duc de Toscane
& le Cardinal de Medicis, voulant fauoriser vn
Gentil-homme Florentin, & rejetton de l’Illustre
Maison de Gondy, employent leur authorité
& credit enuers le Pape, & pour cét effet le
grand Duc alla expres à Rome, pour luy faire
auoir le Bonnet de Cardinal, cõme auoient esté
ses dignes predecesseurs Messieurs Pierre &
Henry de Gondy Cardinaux & Euesque de Paris,
& a peur qu’en cela il ne fust preuenu par
l’artifice du Cardinal Mazarin, le Grand Duc arresta
à Florence le Courrier de ce Cardinal,

Page précédent(e)

Page suivant(e)