Anonyme [1649], ENTRETIEN DE MONSIEVR LE DVC DE VANDOSME AVEC MESSIEVRS LES DVCS de Mercœur & de Beaufort ses Enfants. , françaisRéférence RIM : M0_1238. Cote locale : A_2_61.
-- 4 --
tous châcun suiuant leur humeur, & suiuant l’inclination
qu’ils ont pour l’esleuation ou pour l’abbaissement
de nostre maison ; il n’est pas iusques aux
Colporteurs qui ne veuillent penetrer dans mes conseils,
& quelques meschans Autheurs vous ont fait
écrire l’vn à l’autre, les lettres à quoy vous n’auez iamais
songé, & qui ne passeront iamais pour estre de
vostre façon, tant à cause de la rudesse du stile que de
la faute du taisonnement : car enfin quoy qu’vn pere
ne soit pas obligé de iustifier ses intentions à ses enfants,
neantmoins à cause de l’importance de celle
que i’ay pour le mariage, ie vous en veux déduire les
motifs pour vous persuader, puisque desia Monsieur
de Mercœur y a donné son consentement, & que ie
croy aussi que Monsieur de Beau fort ne le refuseroit
pas s’il y estoit necessaire ; mais pour faire voir à
tout le monde que si ie n’ay pas esté heureux iusqnes
icy & n’ay pas laissé d’agir suiuant de bonnes maximes,
& que ie ne suis pas des plus mal adroits dans la
Politiqne : ouy sans vanité, ie puis dire que mon trop
de cognoissance donna de la ialousie au deffunct
Cardinal de Richelieu, & qu’il m’eust souffert à la
Cour si i’eusse esté sot ou complaisant, mais i’entends
de ceste complaisance lasche & indigne d’vn Prince
que nous auons veuë dans tous ceux qui n’ont pas
esté persecutez comme nous.
Auiourd’huy donc que la fortune s’est lassée de nous
Anonyme [1649], ENTRETIEN DE MONSIEVR LE DVC DE VANDOSME AVEC MESSIEVRS LES DVCS de Mercœur & de Beaufort ses Enfants. , françaisRéférence RIM : M0_1238. Cote locale : A_2_61.
|