De venir pour voir ma misere,
Pourtant le monde nous promet,
Qu’il viendra bien-tost à Ruel,
Ie l’aserois mieux qu’vne pie,
M’en d’eust il cousté ma toupie,
Ma pere de Sabots tout nœufs,
Mon bonnet & mon chapiau vieux,
Ma ceinture & ma chemisette,
Auec mes guetteres de Moquette,
Ma houpelande d’vn biau brun,
Qui vient de mon papa deffunt,
Les bas que ma tante perrette,
Me fit pour le iour de ma feste,
Mon chemison tout chamarré,
Mon biau plumache bigaré,
Roge, ver, bleu, gris noir, & iaune,
Et mon castor à la Lampone,
Et mon autre à la Montauron
Qui me fait si beau fanfaron,
Que ie donne dans la visiere,
A Dame Lubine Harangere,
Qui me vient dire tous les iours,
Qu’alle a pour moy de biaux amours,
Qu’a me nourrit dans vne cage,
Pour mec que nous soyons en aage,
Ie pense que ce sont oyseaux.
Qui sont comme des étourniaux,
Desia grands comme pere & mere,

Page précédent(e)

Page suivant(e)