leurs fistes esperer, & iugés si vous leur en auez
donné la iouyssance. N’aués vous pas éludé toutes
leurs pretentions, & voit on vn Partizan puny
depuis que vous commançastes à les menasser ?
Qu’aués vous fait que changer le ioug de leur
seruitude en vn cent fois plus cruel ? ils estoient
accablés de tributs & vous les aués tout à fait ruinés
par la guerre. Aussi les plus fins le sçauoient
bien coniecturer dés le commancement de vostre
entreprise, & nous rompoient la teste de ce
vers.

Parturient montes, nascetur ridiculus mus.

Mais de quelle façon fistes vous la premiere
guerre contre le Mazarin ? à qui donnastes vous
le commandement de vos armées ? à des Chefs
dont il estoit facile à voir qu’ils n’auoient d’autre
dessein que de vous tromper. Ie n’ay point besoin
de specifier leurs personnes, on les connoist parfaittement
aussi bien que toutes les autres circonstances
necessaires à sçauoir sur ce sujet. Il suffit de
dire que qui veut bien estre trõpé pour en tromper
d’autres, merite qu’on le trompe apres contre
son dessein ; & que qui veut bien estre vaincu
lors qu’il a pris les armes pour se deffendre, se
rend digne de porter la peine de sa rebellion &
de sa foiblesse. Vous en vsiés en effet comme ces
Amants irrités qui ne paroissent animés de couroux