par affection auec les Princes de la Fronde & qui s’en
dégage par interest ; qui fulmine contre les iniustes emprisonnements,
& qui les pratique puis apres. Celuy-là,
dis ie, ne doit estre choisi que pour aller presider dans
l’assemblée des intrigueurs, & pour aller semer les schismes
de la diuision, mesme dans la plus forte tranquillité
de la paix : Et si le malheur vouloit que quelque Prouince
ou quelque Maison de Ville se fut assez oubliée pour deputer
des esprits de cette nature, ie ne doute pas que les
Estats Generaux ne deussent commencer leurs sceances
par les iustes oppositions qu’ils formeroient à ce
choix.

Ainsi ie conclus, que si leurs Maiestez condescendent
à la proposition que S. A. R. a fait, de tenir les Estats
Generaux dans paris ; & si les Prouinces prennent garde
de n’enuoyer que des Deputez qui soient reconnus
pour leur constance & pour leur generosité : Toute la
France a iuste suiet de considerer les Estats Generaux,
comme la seule & derniere ressource de tous ses malheurs.
Comme au contraire il ne faut point douter que
ce dernier remede des maladies mortelles de cét Estat,
ne soit entierement affoibly par les iniustes & tiranniques
cabales des Mazarins, si la petitesse du lieu secondée
de l’assistance criminelle de certains Deputez, les
met en estat d’en pouuoir tellement brider les suffrages
par l’aprehension des assassinats ; qu’on n’y puisse rien
determiner qu’au gré de leur ambition.

FIN.