rebellions, leurs pratiques, & leurs factions.
Vous auez ouy dire comme les Reynes qui ont
eu trop de bonté pour des Ministre, ont causé
mille desordres dans les Royaumes, & comme
la vie des Roys n’a pas esté en assurance entre
les mains d’vne femme, quoy que mere & Reyne
tout ensemble. Auez vous ouy dire que la
Reyne deffend le party du Cardinal plus que iamais ?
qu’elle luy fait des caresses extraordinaires.
Auez vous ouy dire que Monsieur le Prince
commẽce à estre ialoux de cela. Mais à quoy
croyez-vous qu’aboutiront tous leurs desseins,
si le Ciel & les Princes n’en diuertissent l’issuë,
sinon à perdre les gens de bien, & à ruiner le domaine
du Roy. Auez vous ouy dire qu’à la Cour
maintenant ce ne soit que masques, que feintise
que dissimulatios, la Reine cache sous le sien l’affection
qu’elle a pour vn seul, & la haine grande
qu’elle a conçeu contre plusieurs, le C. couure
soubs son bonnet de funestes vengeances, & de
malheureux desseins, le Prince de Condé dissimule
l’enuie qu’il a de perdre Mazarin, & de dépouiller
céte corneille qui s’est reuestuë des plume
de tout le mode, & de tous les Louys d’or de
la France, Madamoiselle tient secrette la passion
quelle a de se marier, & de n’estre plus fille, le
Chancelier n’ose dire qu’il en veut au Parlemẽt,
les Partisans n’osent non plus parler de leurs partis,

Page précédent(e)

Page suivant(e)