L’OVY DIRE
DE LA COVR.
MONSIEVR,
Vous qui frequentez ordinairement la Cour,
qui estes continuellement auprés la personne
du Roy, qui auez l’oreille de sa Majesté, aussi
bien que celle des Ministres d’Estat : qui estes
affectionné de la Reyne, confident de ses secrets,
& parent du Chancelier : Que dit-on
maintenant à la Cour, quelles nouuelles nous
en pouuez vous apprendre ? & quelles sont les
affaires qui s’y traictent ? Pour respondre en
deux mots à ce que me demandez, & pour satisfaire
aux obligations que i’ay à l’ancienne
amitié que nous auons contracté ensemble, &
qui est inuiolable, Ie vous diray que la Cour de
France par vn catastrophe estrange, par vne funeste
metamorphose, & par vn changement
digne de larmes, est deuenuë vn Theatre où
l’on ne parle que de joüer de sanglantes Tragedies.
Vous qui auez leu, ou pour le moins,
vous auez ouy dire, que Neron, autrefois Prince
cruel & abandonné à toutes sortes de débauches,
Anonyme [[s. d.]],
L'OVY-DIRE DE LA COVR. , français
Référence RIM : M0_2636. Cote locale : A_6_50.