pas eu le courage d’estoufer tant de maux dont
la pauure France est accablee, & cependant apres
toutes ces vertueuses entreprises, i’aperçois encor
quelque Perturbateur du repos public qui s’efforce
de nous mettre en horreur les genereux trauaux
qu’il prend pour nostre soulagement. Il n’est pas
possible que ce soit vn autre qu’vn demõ qui ait pris
la plume pour blasmer ce iuste procedé, que tous les
Theologiens approuuent, que la Noblesse deffend,
que le peuple reuere, & qu’ẽ fin les ennemis mesme
du Royaume estiment tres-louable. Ce perfide a biẽ
l’audace de publier que ceste Auguste Compagnie a
eu assez d’infidelité pour attaquer vn Roy durant sa
minorité, mettant par ce moyen le Royaume en
proye aux Espagnols. Helas ! ceux qui nous font la
guerre iusques dedans nos portes, donneront vn
tesmoignage bien asseuré du contraire, ne nous
estant seruis des armes contre eux, que pour deffendre
ce qui estoit necessaire à nostre vie. N’eust-ce
pas esté vne grande lascheté à nous, s’il est permis
de repousser les armes par les armes, de voir auancer
les troupes Mazarines iusque dedans nos portes,
piller & brusler nos maisons, esgorger les enfans,
violer iusques aux Vestalles, entrer dans nos Eglises,
briser les Autels consacrez à Dieu, profaner les vaisseaux
sacrez, renuerser & fouller aux pieds la Saincte
Hostie, sans nous mettre en effect de reprimer
leur insolence ? mais si le Royaume eust esté en

Page précédent(e)

Page suivant(e)