& autres. Il n’en est pas ainsi des Parisiëns
qui ayment naturellement leur Roy sur tous
les autres peuples de France, dequoy l’Histoire
les louë & les estime.

Elle ne manque pas aussi de remarquer les
signalez seruices qu’ils ont tousiours renduë
aux Roys en leurs plus grandes affaires : Du
temps de Saint Louys, alors qu’il estoit poursuiuy
de quelque Grands, les Parisiens sortirent
auec douze mille hommes bien armez
& conduits & furent iusques à Mont [illisible]erry.
ou ils le deliurerent & l’amenerent Glorieux
& triomphant a Paris, ayant contraint ses
ennemis à se retirer vers Melun.

Dans le regne du Roy François premier,
les Hannuyers, Flamands & Bourguignons,
ayant passé la riuiere de Somme a Bray, &
entré auec vne grande armée en Picardie,
mirent vn si grand trouble dans la Prouince,
que chacun abandonnoit sa maison, Paris
mesme ne se tenoit point asseuré. Le Roy
n’auoit lors aucune armee sur pied pour repousser
ses ennemis, les parisiens pour se
conseruer en conseruant leur Roy & son
Estat, armerent dix mille hommes, outre
l’argent qu'ils donnerent, & auec ce se ours,
le Roy chassa ses ennemis & les fit repasser