la priere de son peuple & veu le desir ardent
& legitime qu’il a de reuoir son
Roy à voulu accomplir les promesses
qu’il fait par son Prophete, disant il s’adressera
a moy dans ses afflictions & ie
l’exauceray. C’est ce qui se voit par la
reuelation que vous allez entendre du
retour de celuy qui possede auec iuste
raison l’amitié de tout l’vniuers.

Ce n’est pas vne chose extraordinaire
que Dieu ait voulu reueller ses secrets à
ses plus intimes amis & familiers ; c’est
ce qui est arriué depuis peu a vn bon Religieux
fort ancien, & qui dés sa plus
tendre ieunesse, ayant esté affectionné
au bien public, s’estoit accoustumé auparauant
que de se coucher apres auoir fait
tous ses deuoirs de Religion de donner
vne heure entierre, & premierement
vne demy heure a vne priere mentale
en faisant reflexion sur les necessitez publiques,
& l’autre demy heure a la contemplation
des souffrances de son Sauueur
qui a tant souffert pour le retablissement