& chasse, pour y mettre de ses creatures : Afin que leurs Maiestez
ne soient libres en leurs actions, & ayent de telles gens,
pour prendre garde à ceux qui les approchent, & qui ont l’honneur
d’estre pres leurs personnes.

L’Espagne nous fournit d’vn autre exemple de Iules Mazarin,
D. Pere François de Ximenés de Cisneros, personne de mediocre
maison : encores qu’aucuns escriuent qu’il estoit Gentilhomme.
Il se rendit Religieux de l’Obseruance de S. François, & en
tel estat il fut recogneu pour habile homme, par le Cardinal Mendoce
Archeuesque de Tolede, lequel estant malade le choisit,
pour luy succeder en son Archeuesché, eslection qui fut approuuée
par les Rois Dom Ferdinand & Isabelle. Il estoit fils de Tordelaguna,
nommé Alphonse Ximenés, apres ses estudes il fit
paroistre l’excellence de son esprit, & comme Confesseur de la
Reine, il demeura à la Cour, où il entra en faueur & credit par
dessus le reste des Courtisans.

Apres la mort de la Reyne D. Isabelle. il entra au seruice du
Roy D. Ferdinand son mary, qui luy obtint du Pape Iules II. vn
chapeau de Cardinal, & estant monté aux grandes dignitez,
tant de l’Eglise que de l’Estat, il monstra par ses desportemens
plus d’ambition que de prudence & de retenuë : car durant le bas
âge de Dom Charles fils aisné de Dom Philippe premier du
nom Roy d’Espagne, & de Dom Ieanne le Cardinal Ximenés
en l’absence du Prince Charles qui estoit en Flandres, ayant toute
l’administration & Souueraineté d’Espagne, il se rendit insupportable
enuers les grands & les petits : De sorte que cõme absolu
il se faisoit craindre & obeïr, n’y ayant aucun qui osast contreuenir
à ce qu’il vouloit, iusques à ce que les Espagnols lassez
de son administration voulans auoir leur Roy, crioyent hautement
qu’ils se reuolteroient. Ce que considerant le sieur de Cheves
Gouuerneur du Roy, & le peril de voir l’Espagne pleine de
reuoltes & de seditions contre ce Cardinal, il conseilla au ieune
Roy Charles d’enuoyer en Espagne vn autre Gouuerneur : & par
son Conseil y fut enuoyé le sieur de Laxaus, auquel fut donné
le troisiesme lieu au Gouuernement de l’Estat, auec les Cardinaux
Ximenés & Adrian, il fut receu auec grand contentement
& commun consentement de tout le peuple. Ce qui ne fut pas