deuient éclairé par ses pretensions,
il acquiert de la lumiere par ses fourberies,
& il employe toutes ces connoissances &
facultés spirituelles a detróner ses ennemis
& ceux qui arrestent ses desseins.

Le plus grand & le plus petit, le riche
& le pauure, le Frondeur & le Mazarin,
& tous les Parisiens detestent la lacheté du
Coadjuteur. Tout le monde sçait qu’il n’a
pas voulu se faire nommer le Cardinal de
Gondy, a cause que ce nom termine en
y, comme conchiny, Mazariny, fauoris de
deux Reynes Estrangeres. Le changement
de nom n’est pas capable de faire changer
la haine que merite ce Cardinal de Gondy,
que ie nommeray par complaisance Cardinal
de Retz, puis qu’il veut estre connû
par ce nom, comme par celuy de Coadiuteur,
de traistre, d’ambitieux, d’interessé,
d’Italien, & de pretendu Ministre à la place
de Mazarin. Si vostre A. R. veut faire reflexion
sur toutes les conferences que’lle a
eü auec luy, & qu’elle vueille faire iustice
à la verité, elle auoüera que le Coadiuteur
n’a iamais eü l’honneur de luy parler, qu’il
n’ait desguisé les actions de M. le Prince, &
sa conduite passée ; quoy que sincere & bien
intentionnée.