Il n’est point de soumission que vous ayez obmis
pour l’obliger de vous rendre au plustost la presence
de vostre Souuerain. Pour luy en donner
de reste vous auez demis de la charge de Preuost
des Marchands le Sieur de Broussel qui luy pesoit
sur les bras, & que vous auez tousiours regardé
comme le deffenseur infatigable de vos droits :
Vous auez obligé le Duc de Beaufort par l’apparente
necessité de vos besoins de se deffaire d’vn
Gouuernement qu’il n’auoit accepté qu’à dessein
d’y signaler cette Heroïque vigueur, auec laquelle
il a constamment dementy toutes les calomnies
de ses ennemis. Vous auez mesme pour cette seule
intention, forcé vos coustumes les plus inuiolables
& les plus anciennes, en continuant les mesmes
Escheuins dans leur charge, quoy que la prescription
comme vous sçauez en auoit fait passer le
changement en Loy.

La Cour peut elle exiger d’auantage de vos soumissions ?
Peut il estre de marque de fidelité plus
conuainquante, que celles que vous auez produit
& que ie viens de nommer ? Que pouuez vous faire
de plus pressant pour mettre vostre obeyssance
à l’abry du soupçon ; Et pour vous faire regarder
de vostre Souuerain en tres-humbles & fidelles