conttaire à ce qu’ils desirent, il n’y a point de
choses si esloignées de la raison, qui ne laissent quelque
mauuaise impression dans leur esprit, & s’ils en
ont vne fois quelque veritable ou apparente connoissance,
ne doutez point que la rage de se voir tousiours
attrappez, ne les puisse porter à des extremitez bien
dangereuses pour vostre personne : Vous sçauez que
la fourberie nous excite a de bien plus grandes fureurs
contre celuy qui la commet, quand elle se rencontre
dans les actions de celuy en qui on auoit toute sorte
de confiance, qùe dans celle d’vne personne de qui on
se défieroit, & les Peuples ayans route la leur en vostre
personne, songez qu’à la veuë des trahisons qu’on
leur a déja faictes, & se voyant enfin lassez de tanr de
maux, ils pourroient vanger sur vous toute leur Iuste
colere, vos ennemis se preparent à les y pousser, & si
par quelque vrai-semblable ils auoient pû faire naistre
quelque défiance de vostre conduite dans l’esprit des
Parisiens, leur caballe est déja si grande, que pour peu
de changement qu’ils pussent y porter, ils ne sçauroient
faillir d’y mettre vos affaires en desordre : Mais
si vos entreprises se terminent par vne fin aussi aduantageuse
que vous le promettez depuis vn an à toute la
France, cette action vous rendra si glorieux dans ce
Royaume, si puissant chez les Estrangers, & si chery
de tout le monde, que quand vos ennemis seroient
cent fois plus forts, il leur seroit impossible de pouuoir
rien entreprendre sur vostre personne : Il est bien
certain qu’il est tres-difficile d’asseurer tous les Peuples
dans la sincerité de vos actions, à raison des choses

Page précédent(e)

Page suivant(e)