la frotte avec rudesse, Il y a plus, leurs iouës se voient
rouges ou vermeilles, non pour faire paroistre leur
douceur, & modestie, mais leur courage rude, &
mauvais ou bonne chere, respirans ordinairement
le sang humain ou celuy de la terre (c’est ainsi qu’vn
Ancien qualifioit le vin.) Ils ont des dents (qui sont
armes, & flesches) & en ayans trois rangs aussi bien
que le second animal de Daniel, ils brisent les choses
plus solides, & materielles. Leur bouche y contribuë
beaucoup, estant si longue & large, qu’on la
peut comparer a la gueule de ce Behemoth engloutissant
des fleuves ; & qui les laisseroit faire, ils ne
mangeroient, & n’avalleroient pas seulement des
campagnes, prairie, vignes, bois, estangs, terres,
seigneuries, bourgs, villes, provinces, mais des
Royaumes entiers, voire tout le monde. Leur langue
se trouve aussi double que celle des veaux marins,
plus aiguë qu’vn glaive, venimeuse, & mortelle
que celle d’vn serpent à trois fourchons, fort deliée,
noire, fretillante, bien preste à doner le coup :
& en vn mot, participe de cét element qui est symbole
de perfidie, & d’inconstance : car ils parlent
ordinairement dans vn cœur, & vn cœur, mais cœur
de pierre, signe d’endurcissement, comme celuy de
ces Iuifs mesconnoissans, dont parle Ezechiel en
ses mysterieuses Reuelations. A cette consideration
ils posent, & supposent des pertes exhorbitantes, gardans
le vray registre, & monstrans le faux, afin d’auoir
des rabais, & diminutions du tiers, quart,
quint, ou à estre receus à compter, ainsi que de

Page précédent(e)

Page suivant(e)