pris la mesme resolution que celuy qui trahit la
Ville de Troye, & qui fut cause de son embrazement.

Aut versare dolos, aut certæ occumbere mori.

Vous auez plus de sujet de craindre d’y perir, que
d’esperer l’effet de vostre entreprise : on sçait qui
vous estes, on vous cognoist parfaitement, on est
bien informé que toutes vos maximes ne sont que
fourbes & intrigues ; vostre Marchãdise quoy que
parfumée des soüilleures de vostre païs est éuẽtée :
vous estes decrû, & ce qui s’est passé vous a fait perdre
toute creance : vos partisans les plus passionnez
se trouuent empeschez pour eux-mesmes : & quãd
ils feroient ce qu’ils ont proietté, qui sera difficile,
asseurez vous que les peuples ne se trahiront iamais,
& que vous y perirez. Croyez moy, Mõsieur,
retirez vous maintenant, que vous le pouuez encores ;
n’attendez pas que l’orage vous serrant de
tous costez, ceux qui sont aupres de vous ne se sauuent
en vous perdant, vostre esloignement nous
donnera la paix, & ce sera le seul bien que vous
auez fait à la France apres lui auoir fait tant de mal.

FIN.