les soldats y seront exercez aux armes
par des Officiers experimentez à la guerre, afin
de les dresser à bien manier les armes & à bien
seruir aux occasions.

VI.

Que le nombre des soldats qui y doiuent estre
soit complet sans passe volans, & bien payez &
entretenus par les soins des Gouuerneurs, à peine
d’en respondre en leur propre & priué nom
& d’estre priuez de leurs charge.

VII.

Que si dans la Ville frontiere il y a Chasteau
ou forteresse, le Gouuerneur prendra garde de
n’y laisser entrer aucun estranger pour les accidens
qui en peuuent arriuer ainsi qu’il se fait à
Naples, à Milan & aux Pays-Bas.

VIII.

Qu’il seroit bon pour le seruice du Roy
qu’aux Prouinces & aux Villes les Gouuerneurs
fussent changez de trois en trois ans, de crainte
que leur longue demeure ne les rendist comme
absolus, voire à se reuolter comme il s’est veu en
France, ou aucuns Gouuerneurs pour le longtemps
qu’on les laisse, s’y sont fortifiez de telle
sorte qu’il a esté difficile au Roy de les posseder :
le Roy d’Espagne pratique cela à Milan, Naples
& Sicile, où les Vice-Roys & Gouuerneurs, ny
sont que trois ans, s’ils n’ont rendu quelque notable