auons à faire de ce que nous nous trouuons descheus de tous les
honneurs, droicts, immunitez & franchises deuës à nostre naissance,
il en sera fait encore des particulieres des maux les plus pressans,
comme des excez des gens de guerre, contributions des
Gouuerneurs des Prouinces, ou places, des ordres donnez en
blanc, des Commissions extraordinaires donnees aux Preuost
des Mareschaux, au preiudice des immunitez & de la seureté de
la Noblesse, & autres Commissions des tailles où les Gentils-hommes
sont compris, particulierement dans la Seneschaussee
de Saumur, de ce que plusieurs iouïssent des immunitez de la
Noblesse, sous tiltres & lettres acquises par argent, au deshonneur
de nostre Corps, & à la soule du peuple, & autres dont les
Deputez se pourront souuenir, apres quoy l’on s’est separé.

Signé de l’ordre exprés de l’Assemblée, CHARLES D’AILLY ANNERY.