ennemie de leur humeur, & de la maniere
qu’ils ont choisie pour gouuerner.

La cinquiéme cause, SIRE, qui donne
la fiévre à Vostre Estat, est la des-vnion de
la maison Royale, & cette fiévre deuiendra
continuë, si Vostre Majesté ne trouue moyen
à quel prix que ce soit d’aiuster les interests legitimes
des Princes de son Sang, auec ceux
de sa Couronne, ce qui luy sera facile, pourueu
qu’elle leur dõne seureté effectiue en sa Cour,
pour y tenir le rang que la naissance leur a acquis
dans ses Conseils, & donc ils ne peuuent
estre priués sans iniustice & violence, facilité
dont on ne peut douter de leur part, puisque
tous leurs intérests legitimes consistent en
cette seule seureté ; & qu’il est certain que les
bonnes graces de vostre Majesté, & la liberté
qu’ils auront de pouuoir demeurer sans apprehension
aupres d’Elle, font la principale &
meilleure partie de la grandeur de ces Princes,
sans laquelle liberté il faut demeurer d’accord
qu’ils sont peu considerables, & comme hors
de leur dignité, quoy que neantmoins leur
satisfaction ne soit pas peu necessaire au bien
de l’Estat, par ce qu’ils sont les piliers de la
Royauté.

Cela donc posé pour constant & veritable,
que Vostre Majesté doit rendre par Iustice