long-temps auant que Monsieur le Prince se
fut retiré de la Cour, & qu’il eust esté contraint
de prendre les armes ; tant pour se garentir
d’oppression, que pour deffendre vostre Couronne,
des attentats de cét vsurpateur, qui
sont tant plus dangereux qu’il les commet
soubs vne fausse qualité de bon seruiteur, &
qu’il a pour executeur de ses mauuaises intentions,
tous ceux qui tiennent le timon de
vostre Estat. Ie viens à la seconde regle qui
sert à mettre au iour la calomnie & les suppositions
qu’employent ces infideles Ministres,
pour rendre à Vostre Majesté les Princes de
son Sang suspects & odieux : à sçauoir que
l’interest particulier est le principal motif des
actions humaines : Il suffit donc d’éplucher
si les interests particuliers de chacun de ces
Princes n’est pas inuiolablement attaché à
ceux de vostre Couronne ; en sorte qu’il en
est inseparable, & il est constant qu’vn Prince
n’est iamais pauure, tant que la France est
florissante, qu’il ne manque iamais d’honneur
tant que le Roy regne paisiblement, &
qu’il est obey de ses Subjects ? En vn mot que
la grandeur & l’authorité d’vn Roy ne reside
pas en sa seule personne, mais aussi en tous
ceux de sa maison Royale. Et par consequent
Vostre Majesté doit reietter comme

Page précédent(e)

Page suivant(e)