que iamais ces Princes ne penseront à la deseruir,
en se détruisant eux-mesmes ? mais Elle
doit bien distinguer entre leurs actions qui
tendent à l’offensiue, & celles qui ne vont
qu’à la deffensiue ? On s’estudie de luy faire
croire par vne malice diabolique, que tout ce
qu’ils ont faict a esté autant d’attentats contre
l’authorité de Vostre Majesté ; & au contraire,
tout le procedé qu’ils ont tenu par l’avis
du principal de vos Parlemens, & du plus auguste
Senat de l’Europe, qui de temps immemorial
a esté choisi par diuers Souuerains
pour arbitre de leurs differents, n’a tendu qu’à
se garentir de l’oppression que leur vouloit
faire la Reyne vostre Mere & le Cardinal Mazarin,
sous le nom de Vostre Majesté, qui
n’ignore pas que la deffence est vn droict naturellement
acquis & vniuersellement permis
à tout le monde : de façon, que quand
bien il seroit vray, que Monsieur le Prince auroit
traité auec l’Espagnol, ne voyant point
d’autre appuy que le sien capable de le mettre
à l’abry des orages qu’on preparoit de faire
tomber sur sa teste, pour le mettre à bout sans
ressource, Il ne seroit pas depourueu d’excuse
en cette occasion, & n’auroit rien faict que ce
qu’il deuoit à sa propre deffence, mais ces boute-feux
qui sont aupres de Vostre Majesté,

Page précédent(e)

Page suivant(e)