renfermée dedans l’espace d’vn tombeau ;
si cependant vous employez vostre authorité
pour rendre le culte que l’on doit à
Dieu sincere & veritable, & soubmettez
vostre puissance à ceste diuine Majesté ; si
vous aymez davantage ce Royaume, où
vous ne craignez point d’auoir des compagnons
& contradicteurs de vostre volonté ;
si vous pardonnez facilement ; si vous
ne vangez que les injures du public, & non
point les vostres ; si vous n’establissez point
l’impunité par vne trop grande indulgence
si vous compensez la seuerité à laquelle
ce que vous deuez au public, vous oblige
quelquefois contre vos inclinations, par vn
plus grand nombre d’actions de clemence
& de benignité : Enfin, si vous preferez le
Regne sur vos passions à celuy des peuples
que Dieu a sousmis à vostre conduitte,
& que prevenuë de ces veritez, vous
employés le pouuoir de Mere pour les enseigner
au Roy vostre fils, & que vous
luy fassiez comprendre, qu’il ne peut restablir
son authorité, que par la Paix & la Iustice.

Enfin, Prince, qui n’auez iamais veu les