de ce Prince, que celle qu’ils luy donnent toûjours
à son desauantage, parce qu’ils ne peuuent
souffrir, que personne entre en partage
de leur pouuoir.

Mais, dit-on, il est bien extraordinaire, que
l’on authorise par vne Declaration des proscriptions
& des bannissements, sans faire le
procez à ceux que l’on exile, & que les Princes
du Sang cherchent d’autre seureté que
dans leur innocence, & dans des paroles toutes
Royales qui leur sont données ; I’aduouë
d’abord que tout ce qui va contre l’article de
la seureté du public me déplaist, & ie ne
puis qu’auec beaucoup de peine admettre
que cette loy reçoiue la moindre atteinte, par
vne interpretation qui empesche l’effect d’vne
disposition si necessaire, pour arrester l’insolence
de ses Ministres & des Fauoris : Mais outre
qu’il ne s’agist point icy de quelque particulier,
que la tyrannie vueille opprimer ; mais
des Ministres mesmes, à la conduite desquels le
public ne se veut plus soumettre ; & que d’ailleurs,
ce sont personnes sans caractere, puis que
l’vn n’a qu’vne qualité imaginaire, l’autre vne
simple commission, & le dernier n’a point
d’autre tiltre, que le domestique de la Reine ;
Il est certain, qu’estant les reliques d’vne cabale