Ainsi tu feras voir que nos fiers ennemis,
De meschans qu’ils estoient se sont rendus amis :
Et que sympatisant leur amour à la gloire,
Ils ayment mieux fléchir, & donner la Victoire
A ceux qui, sans appuy, ne pouuoient resister,
Et qui ne pensoient pas leur malheur éuiter.
Tais-toy, donc, desormais, & refraine ta langue,
Qu’elle ne serue plus qu’à dire vne harangue,
Qui d’vn stil sans pareil, puisse fléchir les Cieux,
Laissant la Paix en paix regner dedans ces lieux
Bannissons les frayeurs qu’vne Panique guerre,
Laisse ordinairement ramper dessus la terre,
Et loüons hautement ce Don donné de Dieu,
En reuerant la Paix qu’il a mis en ce lieu.