contre ses intentions, & qu’on doit violer le
droit d’hospitalité, & le respect deu au sang
Royal que cette ville a reçeu en son sein, en la
personne de Monsieur le Duc d’Enguien, &
de Madame sa Mere, bien que nous n’ayons
jamais eu dessein que de conseruer des personnes
si cheres à l’Estat sous la sauue-garde du
Roy, qui ne sçauroit estre employée à vn vsage
plus legitime ; Apres le recit de toutes lesquelles
choses nous ne sçaurions vous dissimuler
que les soubçons, causés par tant d’appareils,
qui tendent à nostre ruine, sont si auant imprimez
dans l’esprit des peuples, que visiblement
tout est perilleux dans les extrémités
ou la Prouince se va reduire, par l’approche
du Cardinal Mazarin, qui est desja dans ce ressort,
& qui a toûjours esté le protecteur de celuy
qui nous persecute ; à quoy elle se portera
plus volontiers, quand elle apprendra que de
tant de Princes & de Ministres destinés pour la
conduitte de l’Estat, il ne reste que luy seul
prés de la personne de leurs Majestés, & dans
vn voyage de telle consequence ou on delibere
par aduance la destruction de cette Prouince
& de cette Ville, dans la quelle toutes celles du
Royaume & tous les Parlemens se trouuent
si interessés qu’il est digne de vostre zelle (qui

Page précédent(e)

Page suivant(e)