terrestre, lors qu’il refusoit l’innocent à leur
furie. Dieu est ennuyé des cruautez qu’vn
Cardinal ose faire, puisque, baillant à des
Banquiers estrangers tous nos Louys, il
liure le iuste vne autrefois en plusieurs especes.

Les moindres de sa cabale prophanent
ouuertement ce qu’il y a de plus saint dans
l’ordre des choses ; de façon que parmy l’abondance
des desordres, qui se conuertissent
en coustume, chacun se plaist à la rapine
soubs l’esperance qu’vn tel Maistre supportera
ceux qui se donneront à luy, pourueu
qu’ils soient méchans ; car les valets ne
peuuent imiter que ce qu’ils voyent faire
iournellement à celuy qui les commande.
Où est vn vice dont ne fasse trophée ce scelerat ?
Où est la seureté parmy ses partisans ?
Quelle couleur desormais peut couurir ses
voleries ? Qu’y a-t’il de sacré qu’il ne baffouë ?
le Roy mesme ressent le premier ses
trahisons, puis qu’on se sert de sa bouche
sacrée pour executer les volontez d’vn Ministre,
qu’il a declaré criminel, & qui est