& pour peu qu’il ne soit pas diable, ne donne
qu’vne ou deux, ou trois heures de temps au plus
pour le pillage : mais ce pillage dure encore, & i’apprehende
de dire le reste : mais il faut que ie dise
tout, afin que tout le monde sçache la cause du tonnerre
qui gronde, & qui va tomber sur ce chef criminel,
& sur celuy de tous ses complices : Comme
il est ordinaire quand il arriue quelque orage, ou
quelque lauasse que ceux qui se trouuent dans la
campagne cherchent l’abry de quelque arbre, &
que moins il s’en rencontre, plus il s’y trouue de
gens ; il en a esté de mesme dans la pauure ville de
Brie. Les nobles qui n’auoient point de maisons
fortes, les Laboureurs, & enfin tout ce qu’il y auoit
de familles éparses dans la cãpagne s’y estoit retiré.
La [1 mot ill.] renduë, les femmes & les filles, & parmy
eux plusieurs Damoiselles, ioignirent à la seureté de
la capitulation, & de la parole d’vn gentilhomme,
l’azile des Eglises cét azyle fut violé, comme si ce
n’eust pas esté assez pour ces troupes enragees d’auoit
violé l’article des biens qu’ils pillerent. Ils forcerent
les Pasteurs & les Prestres de leur ouurir la
porte de cette sacree Bergerie : Ces pillards & cea
paillards partagerent ces pauures brebis confusement,
sans espargner mesmes les aigneaux de laict
qu’ils ont fait mourir, & expirer sous des tourments
que la Nature deffend aux bestes feroces, & qu’elles
n’ont iamais pratiqué. Des Damoiselles de conditiõ

Page précédent(e)

Page suivant(e)