de l’Estat : Et c’est vn Comte François qui les commande
en Brie, qui approuue toutes les abominations,
& qui partage tous les larcins : c’est le Comte
de Monseigneur, c’est ce Vulcan mal heureux,
& ce miserable boiteux qui a l’ame encor
moins droite que le corps, & que Dieu atteindra le
premier aussi tost que sa Iustice sera satisfaite de nostre
persecutiõ. Il a volé Lezigny & Panfou, il a couppé
iusques à des Tableaux dãs leur enchasseure pour
les emporter, & n’a pas emporté les Chasteaux & les
maisons, que parce qu’ils estoient attachez à la terre,
mais il les a desolez.

C’est vn homme dont les crimes ont fait connoistre
son nom, & qui n’a fait que des ennemis dans
son propre pays, où la bassesse de son extraction
le rend mesprisable par les Nobles, & où le
peuple deteste sa violence, & son humeur tyrannique.
Nous auons vn de nos Peres qui connoist
sa Race, & qui nous a asseuré que le nom qu’il
porte luy est commun, comme le sang & le cœur
auec la plus commune populace de... & qu’il
n’a point d’alliance recõmandable que par sa mere
seulement, fille d’vn Mareschal de France, qui estoit
vn Athee, & le principal de ces Ministres violens,
qui deprauérent les mœurs du Duc d’Alençon &
d’Anjou, frere de Henry III qu’ils portérent à vouloir
regner par force, & par citadelles sur les Flamẽs
& Brabançons qui l’auoient appellé, receu & declaré