que ie ne suis pas de ceux, qui courent les maisons, les
tables & les ruẽs, qui s’en prennent à la vie & à l’honneur
de plus supremes grandeurs qui veulent apprendre
le deuoir aux maistres, l’importance des loix aux Magistrats,
& la milice aux Generaux d’armée, & qu’à la
mesme personne qu’ils ont traitée d’excellence & d’admirable,
à son absence il la deschirent & noircissent auec
vne effronterie furieuse & brutale, n’est-ce pas là vne
déprauation pitoyable, & l’employ d’vn esprit mal timbré,
aussi se faut il contenter de rire de leur commerce,
ils foullent dans les cimetieres pour faire parler à leur
mode ceux qui en ont perdu la faculté dés long-temps,
contestent la certitude des familles, & taschent de mettre
la honte & le reproche sur les plus beaux & plus chastes
visages des Dames, ie me moque vrayement de cette
categorie d’esprits, & leur soutiens que la faineantise
& l’inclination au vice les fait choper dans ce precipice
d’iniquité, vous flatez ceux de qui vous souhaitez la bource,
& si leurs liberalitez ne respondent pas à vos desirs
vous les conuertissez en rage & tesmoignez que comme
les freslons, vous n’approcbez pas les objets sans laisser
quelque coup de bec importun & fascheux, c’est vne
chose indubitable que qui applaudit tout, est sot ou
meschant, & qui contrarie sans raison temeraire & insupportable,
la modestie & le iugement auec vne vertu
sans lascheté ny ergoterie, improuuent genereusement
ce qui ne leur semble ny iuste ny bien seant ; si bien que
Messieurs les Flateurs auec leurs complaisances mercenaires
doiuent aussi estre rejettez comme inutiles ne
sçachant vser de l’honneste liberté qu’vn honneste homme
peut prendre d’estaler sa pensée au prejudice de ceux
à qui elle est des-agreable, excuser vn mal, c’est s’en

Page précédent(e)

Page suivant(e)