la lecture des Romans & de l’Histoire, il verroit les
soupplesses des vns & l’audace des autres aboutir tout
en mesme centre, & par vne preuoyance exemplaire il
iugeroit la disgrace & la faueur des imprudens, & prendroiẽt
leurs coups funestes pour le r’affermissement de
sa chere tranquillite heureux qui peut faire dessein de le
deuenir : Mais ie voy bien que les trauaux de la Cour
ont tant d’apas, que ceux qui en sont priués se croyent
miserables, & que hors de leurs esclauage il n’est pas
de ioye au monde pour eux & comme ie ris de leurs
tremoussemens il se mocquent de mes sterilitez, & iugeant
de moy par ce qui s’en voit, ils me souhaïttent ce
que ie ne voudrois pas auoir, ie suis comme le Philosophe
Anaxagoras, à qui vn de ces amis luy reprochoit
qu’il ne faisoit point de cas de son païs puis qu’il l’auoit
quitté pour vacquer sans obstacle à l’estude de la Philosophie,
& à cela il respondit montrant le Ciel, voila dit-il
mon païs d’où toute terre est esgalement distante &
quoy des hommes sans la vraye Religion auoit ces diuins
sentimens, & nous qui auons vn plus noble obiet
& qui sommes plus asseurez de nostre principe & de sa
Iustice serons nous si sots de nous amuser apres ces ieux
de blanque, ou les Benefices sont si peu considerables
ie reïtere mon ris & trouue tant de subiet de l’entretenir
que si ceux qui cherchent vn feu qui brusle sans matiere,
en trouuoit le secret auec la perfection dont ie scay
celuy de subsister dans mon humeur, il cesseroit d’estre
la mocquerie des sages & la ruine des Curieux, la vertu
est ennemie de tant d’inuentions, & nostre vie est trop
courte, pour en donner tant à la vanité & à l’erreur :
Mais on me dira que si tout le monde fuyoit la Cour les
Roys & les Princes sembleroit estre l’horreur & lescueil

Page précédent(e)

Page suivant(e)