dure plus de trois cens ans, si Dieu nous vouloit
donner sa paix elle seroit encore de plus longue durée,
mais cõme la pluspart des hommes sont enclins
plus au mal qu’au biẽ, il ne la faut point esperer qu’aprés
vne renouation de mœurs & de Loix, ainsi
que nostre Oracle a remarqué dans la Centurie
troisiesme Quatrain 49.

Tout le déplaisir que Paris peut receuoir de
Roüan & de Chartres, ce sera à cause que les armées
empescheront le passage des viures, & feront ses
assises du costé de Chartres, qu’enfin de contre
aborderont les enuirons de Paris pour accomplir
leur malice contre Paris, & apres cela le Roy s’en
ira comme nous auons dit du costé de Prouence
ou en Auignon, ainsi que nostre Oracle a remarqué
cy-dessus, quand il dit. En lieu estrange est translaté
l’Empire ; Et delà nous pouuons conclurre comme
le Roy sera Empereur, mais encore plus par le
Quatrain 93. de la Centurie troisiesme, quand il dit,
Dans Auignõ tout le chef de l’Empire fera Arrest pour Paris
desolé. Enfin & pour toute conclusion, ie n’estime
pas que nous ayons la paix si le Roy ne vient à
Paris ; que s’il y vient, son entrée sera autant glotieuse,
qu’elle sera funeste s’il n’y vient point.

FIN.