qu’au prix de tous vos tresors : il n’y a rien de si
aysé que de complaire à V. M. pour commander
à tous ses Estats & pour se lés asseruir. Le Cardinal
Mazarin, fait tout ce que vous voulez, parce
qu’il vous fait faire tout ce qu’il veut, & c’est
pourquoy vous sentez vne inclination si forte pour luy,
en ce que façonnant vos intentions au modelle
des siennes, il proportionne puis apres fort commodement
son vouloir au vostre : De sorte que
vous ne treuuez pas plus de plaisir de viure en sa
compagnie, qu’il reçoit de profit en celle de vostre
Maiesté. La chose du monde qui entretient
le plus doucement la familiarité des amis, c’est
vne simpatie d’humeurs, qui vnit nos cœurs par
vne conformité de desirs. Cõtinuez donc, SIRE,
d’aymer ardamment le C. Maz. qui n’a aucune
volonté qui ne soit semblable à la vostre.

Vous souhaїttez d’estre obey de tous vos Subjets,
& luy pareillement. Vous demandez qu’vn
chacun vous serue, vous ayme & vous respecte,
& luy pareillement. Vous aymes les actions Royalles,
& luy pareillement. Et bref vous voulez
regner, & luy semblablement. Si bien qu’il ne
s’est iamais veu vne égalité si grande d’affections,
en vne si grande inegalité de conditions. Ie ny
voy qu’vne seule difference, c’est que vous dites,
SIRE, Que vous ne vous pouuez passer du C. Mazarin :