& la Ioye : & comme la misere rendoit les esprits chagrins
& les humeurs fascheuses, l’abondance chasse toute tristesse,
nous agirons desormais par amour l’esclauage & la tirannie
ne se trouuera plus entre le valet & le Maistre, ceux
qui auront plus de conduite auront plus d’amis & d’aides
dans leurs besoins, cette suite des pages & de laquais ne
seront plus l’enseigne des grandeurs, les verïtables grandeurs
seront à la personne & l’iniustice ne fera plus de desordre
parmy nous : Ie dirois que le siecle d’or est reuenu
ou qu’il approche : mais il faut trouuer des termes plus expres
pour vn bon heur qui n’a pû estre gousté que par moy
tout ce qu’on dit de l’heur des premiers siecles n’a rien d’aprochant
du nostre : parce qu’ils ont esté incapables d’vne
merueille si douce, l’air sera plus sain ayant moins debroüillars,
il ny aura ny procez ny maladie au monde, au moins
dans le beau Royaume de France, & tous ceux qui s’en
sont pris aux Maltotiers & donneurs d’auis seront contraints
de ce repentir de les auoir blasmez : mais, ie me trompe,
ie croy qu’il ny a personne si ennemy de soy mesme
qui ne souhaite du bien à celuy qui doit chasser tout le mal,
& qui doit porter auec plaisir vn preseruatif de douleur
pour tous les termes de l’année, tous nos pas seront des promenades
& nos paroles des chansons il ny aura que Commedie
& chacun entrera sans rien donner pour son entrée,
quelle liesse ie commence de me partager le premier dans
ceste source de felicité on dit que les premiers hommes ont

Page précédent(e)

Page suivant(e)