les Diamens soit aussi cõmuns parmy nous que la pierre de
taille la bronze & le Lierre, enfin ie veux faire voir en effet
que toutes les descriptions qui ont esté faictes du Palais
d’Apolidon & de Lisle ferme, seront moindre en valeur
que les bastimens des Tailleurs & des Cordonniers & il ny
aura celuy qui ne l’aduoüe lors qu’il aura veu ce que ie veux
faire pour l’embellissement du monde, ie ne m’amuseré
pas à prendre vn sols sur les denrées cela est bon pour ses
grossiers qui ne sont pas capables des grandes choses, mais
moy a qui il appartient d’operer noblement, ie puiseré les
richesses auec plus de facilité, qu’on ne puise de l’eau dans
vne fontaine, & si ie defie tous les Financiers de me treter
comme il fit aux autres de ma profession a qui ils disent
nous s’auons il y a long temps ce que vous nous dites la ma
pensée & le moyen de la faire reussit me sont propres exclusiuemẽt
au reste des hommes en parle qui voudra, mais
dans le fonds ce n’est que moy a y pouuoir attaindre, & ie
veux que dans toutes les Biblioteques du monde mon nom
y soit en aussi grãde reuerence que si i’auois composé toute
la Philosophie la Iuris prudence la Medecine & la Theologie
ie suis l’honneur de ce temps le precepteur des foux
l’exemple & le guide de tous les feneants, mais apres auoir
par vn admirable nombre d’années arpenté le Pont neuf
la grand Sale du Palais, le Louure, & le Palais Royal, enfin
comme si c’estoit vne Rosse d’or tombée dans ma ceruele
ie me suis trouué tres-plain de toute felicité tẽporelle mon

Page précédent(e)

Page suivant(e)