Jamin, Nicolas [1649], L’ENTREE POMPEVSE ET MAGNIFIQVE DV ROY LOVIS XIV. En sa bonne Ville de Paris. Par N. I. T. , françaisRéférence RIM : M0_1229. Cote locale : C_4_5.
Chacun vient visiter ce Foudre de la Guerre, Cét vnique Phœnix, ce puissant Dieu sur terre : Et l’homme de credit passeroit pour suspect, Qui ne luy viendroit pas tesmoigner son respect. Luy confirmer les vœux de son obeïssance ; Iamais tant de bon-heur n’accompagna la France, Elle est victorieuse, elle a par ses exploits Triomphé de l’orgueil des plus superbes Rois.
La Seine ne fleschit dessous les volontez Du Prince qui s’attaque à ses Diuinitez, Elle gronde tousiours de cette barbarie Dont elle voit percer le flanc de sa Patrie. Les Nymphes dont le sort a partagé ces eaux, Font sortir de leurs yeux de continus ruisseaux.
Helas ! dit ce grand fleuue, est-il quelque douleur Qu’on puisse comparer à mon cruel mal-heur ? Tous ces Peuples voisins qui m’enflent de leurs larmes, Et qui sont opprimez sous de puissantes armes, N’attendent qu’vn LOVIS pour finir leurs tourmens, Et pour mettre quelque ordre à ces déreglemens. Ie m’afflige tousiours, & tousiours ie souspire, Iusque à tant que mes flots arrousent son Empire, Que par sa vigilance, & par ses beaux exploits, Ie gouste en liberté la douceur de ses Loix. Qu’il soit mon Souuerain, que les Nymphes paisibles Ne soient plus dans l’horreur de tant d’objets nuisibles ? Et que cette contrée où l’outrage est permis, Se défasse du joug de ses forts ennemis.
Mes Princes alliez de ce Roy debonnaire,
Jamin, Nicolas [1649], L’ENTREE POMPEVSE ET MAGNIFIQVE DV ROY LOVIS XIV. En sa bonne Ville de Paris. Par N. I. T. , françaisRéférence RIM : M0_1229. Cote locale : C_4_5. |