pour contreminer toutes leurs menées, par
les obstacles inuincibles, que l’honneur & la
qualité de premier Prince du sang, me deuoit
obliger d’y former pour les interests des peuples.

Cette iniuste haine qui sembloit auoir esté
pleinement assouuie par vn cruel emprisonnement
de quatorze mois, & que le banissement
de son boutefeu me faisoit desormais regarder
comme vne impuissante à me pouuoir nuire,
m’a fait raisonnablement apprehender par les
apparences trop visibles d’vn prochain éclat,
qu’elle n’auoit laché la prise de trois Princes
que par force, & que les creatures de son principal
autheur, appuyées de l’authorité Souueraine
la nourrissoient secrettement dans leur
cœur, pour la faire éclater, lors que l’occasion
fauorable s’en presenteroit ; & rallumer derechef,
ou plus mortellement les troubles dans la
Monarchie, par l’iniuste entreprise du mesme
attentat, que la sincerité trop genereuse de mes
deportemens, eut sans doute laissé reussir, si
l’imprudence de mes ennemis à brasser ce second
monopole, ne m’eut obligé de me metre
à l’abry de leurs menées, en me retirant promptement
du milieu mesme de leur embusches,
pour ne laisser point retomber la France dans
vn second abisme de desolation, par les efforts