cens milles liures à ses risques, perils, & fortunes,
avec la remise du tiers, quart, quint, &c. suivant la nature
de la mesme affaire.] avec une remise avantageuse
sous un personage déguisé (par eux cautioné) auquel
ils font commettre, pour le faire valoir, des forfaits si
grands en nombre, estranges en leur espece, & deplorables
pour les mal heurs, & desordres qu’ils apportent
à leur patrie, que l’Enfer n’en conseilleroit
point d’autres aux damnez. Aussi l’on sçait trop
mieux qu’ils n’imitent les plus cruels Tyrans de l’Antiquité.
Ils ne faisoient arracher les yeux n’y le cœur
à ceux qu’ils faisoient tourmenter, afin que la liberté
de se plaindre naturellement acquise aux affligez,
leurs restast au moins dans la souffrance de leurs
cruels tourmens, où au contraire ils voudroient que
tous les François n’eussent point d’yeux, ny de cœur
pour ne pleurer, & n’avoir le sentiment des miseres,
& calamitez esquelles ils les plongent. Il y a plus, non
contens de ravir leurs biens, ils les font quelquefois
griefvement exceder, & battre par une rigueur tres-impitoyable.
C’est chose averée d’un chacun ; que s’il
y a tant d’inhumanité en leur proceder, il n’y a pas
moins encore d’irregularité, veu que par une bijarrerie
méchante, & méchanceté bijarre, ils ne se soucient
aucunement de la malediction épouvantable
que le Prophete Evangelique va prononçant contre
ceux qui disent le mal estre bien, & le bien mal, qui
mettent les tenebres pour la lumiere, & la lumiere
pour les tenebres, prennent la chose amere pour la
douce, & la douce pour l’amere ; car tout ce qui est forcé

Page précédent(e)

Page suivant(e)