comme vn matelot qui voit fracasser son nauire en affrontant
vn accueil ; Se sauue qui pourra, mais auec vn se sauue qui pourra
tous ne seront pas sauuez ; parce que tel pensera attraper vne
planche, ou vn auiron pour aller à la rade, qu’il n’embrassera sinon
les flots d’vne mort semblable à celle que Mazarin vous pour
ra faire encourir, pour vous submerger dans la mer rouge de vostre
propre sang. Preuenez ce malheur : renuersés sur sa propre
teste les vagues auec lesquelles il vous inonde ; & faits deuancer
à ce Pharaon par vn triste naufrage, le deplorable precipice
qu’il vous fait cauer.

Or i’entre plus en matiere, pour vous faire considerer plus
specialement la substance de cette Lettre de cachet.

Pour estre Roy il ne faut que quatre choses, lesquelles en sont
comme les vases & les elemens.

La premiere est, qu’il faut auoir reduit le Roy & ses Subjets à la
mendicité.

La seconde, tenir les places fortes du Royaume, par des personnes
qui soient à commande ment.

La troisiesme, auoir mis les Princes & les Roys en vn tel estat,
qu’on les puisse faire sauter quand on voudra.

Et la quatriesme, posseder de l’argent pour mettre vne armée
sur pied, par le moyen duquel on trouve assez de soldats de toutes
nations, lesquels on peut faire entrer dans tout le Royaume,
à la faueur des frontieres dont on a les clefs, pour obliger les
peuples à faire joug de gré ou de force. Iules Cesar en vsa ainsi, lequel
quoy qu’il fut tres-avare de son naturel aux gens de bien,
vint neantmoins fort liberal à ses satellites, quand il leur distribua
les tresors de Rome, laquelle il mit au pillage devant
que de la prendre, pour les encourager, par cette largesse du bien
d’autruy, à la poursuite de ses desseins. Mazarin en peut faire
autant de Paris.

Car ne voit on pas dans sa main les quatre choses que ie viens
de representer ?

Premierement n’a-il pas achevé de mettre le Monarque sur le