creées. De cela nous pouuons aisément former quelques
coniectures de ce que sa Majesté pourra faire à l’aduenir,
lors qu’elle sera dans vn estat plus auancé, & qu’elle
sçaura mieux employer les graces que Dieu luy communique
incessamment & pour son honneur & pour sa gloire.

En ce commencement il nous a esté bien aisé de predire
des actions qui se sont passées à la veuë de toute la terre
habitable. Mais ce n’est pas encore icy la seule foiblesse
qui se trouue en la plus part de ceux qui se meslent de penetrer
dans l’aduenir, & de lire dans l’obscurité des veritez
futures. Ils nous font voir d’ordinaire au commencement
de leur Horoscope vne grande description de la Physionomie
de celuy pour qui leur Art pretend faire des miracles.
Ils disent que l’homme qui naist au mois de Septembre
aura la barbe fort belle, le nez bien proportionné,
les yeux passables, les cheueux rauissans, le corps blanc,
l’aspect aymable, la stature charmante, l’humeur fort douce,
l’esprit laborieux & disciplinable. Qu’il aura vn signal
au front où en la levre, ou bien en la teste. Qu’il semblera
estre en colere, bien qu’il n’y soit point, & qu’il sera grandement
accort enuers toute forte de personnes. Qu’il sera
sage & de grande reputation, & qu’on le pourra iustement
mettre au rang des plus vertueux hommes de son siecle.
Qu’il aura de grandes passions pour l’honneur, & qu’il n’aymera
que les choses iustes, licites & honnestes, & les femmes
vn peu parmy tout cela. Qu’il sera grandement Royal
en tous ses faits, & fort fidelle en ses affaires. Qu’il aura vn
zele extréme pour la verité, & pour les belles & bonnes
actions ; & sa seule bonté le fera vniuersellement honorer
de toute sorte de personnes : mais tout cela n’empeschera
pas qu’il ne se doiue garder de certains esprits qu’il y a, s’il
ne veut estre grandement troublé dans ses affaires. Il fera
quelques voyages en des lieux esloignez & perilleux, auec
assez de bonne fortune. Il sera fort prompt à conseiller ceux